تــوب العفــاف

الأنوثـة مش مــجرد حبة أحمـر عـ الشفايف
الانوثة مش في انك تهوِسي عقل اللي شاي
الأنوثـة نعمه غالــية ربنا اللي اداها لــيكي
و بايديكـي تحفظيها أو تضيع من بين ايديكي
كل شيء في الدنيا لـما بيداروه بيزيد جمال
و العفـاف للبنت يغلب أي شــــكل و أي مال
هو أحسن من عيونــهـم تاخدي نظرة الاحترام
ولا تاخدي سهـم جـارح اسمـــه نظرات الحرام؟
الزهور بتكون جمــــيلة طول ما لسّه الشوك حاميها
بس لو يوم شوكها سابــها ألـــــــف ايـــد تتمد ليها
هو أحسن ترضي ربك ولا ترضي الناس بحالها؟
هو إيه للبنت يشفع شكلها ولاّ عـــــملها؟
دا الجمال في الجسم زايل انتي شفتيـه دام لمين؟
و الجمال في الروح بيفضل مهـمـا بتعـدّي السنيـن
سيرة البنت العفـيفة هي أحـــسن شيء يدوم
حبرها مكتوب بدينـــــها مش بمكيـــاج أو هـدوم
انسي مكيـاجك وسيبي نــور إلهك يملا وشّـك
بدلّي مـرايتك بقــــلبك مستـحيل قلبـك يغشّـك
انتي أجمل ألف مــــــرة لو جمالك جوّه قلــــبك
مش مهـم الخلق ترضــى المهـم ترضي ربـــــــك
هو إيه في الكون دا يغلب لو الـه الكـون دا حبّـك؟؟؟